Zjarr i madh në Pilur të Himarës, prej më shumë se 5 orësh zjarrfikësit në luftë me flakët

21:10 | 31 Gusht 2021
Trina Galanxhi

Një zjarr i madh që ka nisur prej disa orësh mbi Himarë vazhdon të djegë çfarë gjen përpara.

Zjarri ka përparuar mbi Himarë, në një zonë ku ka pak shtëpi, duke avancuar në kodra dhe në fshatin e Pilurit.

Deri më tani raportohet se janë djegur me dhjetëra ha shkurre, por nuk janë djegur shtëpi, megjithëse rreziku ka qenë i madh.

Zjarri ndërkohë vazhdon ende me përmasa të mëdha.

Në aksionin për fikjen e flakëve janë angazhuar zjarrfikësit e Vlorës, Sarandës dhe Himarës.

Situata nuk paraqitet e mirë./tch/

Shpërndaje në rrjete sociale

Lajmet më të lexuara

Të ngjashme

Foto lajm